«Nur-Sultan-Petropavl» trassasynda jol apatynan adamdar zardap shekti
PETROPAVL. QazAqparat – Soltústik Qazaqstan oblysynda «Nur-Sultan-Petropavl» tas jolynda eki kólik soqtyǵysyp, birneshe adam zardap shekti, dep habarlaıdy QazAqparat tilshisi.
Búgin SQO-daǵy Kellerovka eldi mekeni men Kókshetaý qalasy aralyǵyndaǵy tas jolda eki kólik soqtyǵysty. Qatty soqqydan eki kólikke de aıtarlyqtaı zaqym keldi.
«17 jeltoqsan kúni saǵat 12.30 shamasynda «Nur-Sultan-Petropavl» avtojolynyń 394 shaqyrymynda «Peugeot 4007» jáne «Lexus IS250» avtokólikteri soqtyǵysty. Jol-kólik oqıǵasynda zardap shekkender bar, eki júrgizýshi de mas bolmaǵan. Bul fakti sotqa deıingi tergep-tekserýlerdiń biryńǵaı tizilimine engizildi», - delingen SQO Taıynsha aýdandyq polıtsııa bólimi taratqan aqparatta.
