«Nur-Sultan – Petropavl» tasjolynda jóndeý jumystary jańa tehnologııamen júrgizilýde

NUR-SULTAN. QazAqparat - Kókshetaý qalasy arqyly «Nur-Sultan – Petropavl» tasjolynyń 69 shaqyrymyndaǵy tájirıbe-eksperımenttik aýmaqta «Qazavtojol» UK» AQ «UneedUs» kompanııasymen jáne QR Indýstrııa jáne ınfraqurylymdyq damý mınıstrliginiń Jol aktıvteri ulttyq sapa ortalyǵymen birlesip, ınnovatsııalyq CONFIX materıalyn aprobatsııalady.

«CONFIX polımerli betony tsementbetondy jabyndydaǵy shuryq-tesik pen shuńqyrlardy jóndeýge arnalǵan. «UneedUs» kompanııasynyń aqparatynsha, bul sońǵy ónertabystardyń biri. Jańashyldyǵyn aıtar bolsaq, fraktsııalanǵan qum men tsementten quralǵan jáne túrli polımerler qosylǵan qurǵaq qospa túrindegi materıal.

CONFIX modıfıkatsııalanǵan materıaly sýmen aralastyrylǵanda tez qatady. Negizinen jabyndysy betonnan bolatyn aerodromdar men avtojoldardaǵy túrli aqaýlardy joıý úshin qoldanylady. Máselen, shuńqyrlar men oıdym-oıdym tesikterdi jóndeýde paıdalanylady»,-delingen QR Indýstrııa jáne ınfraqurylymdyq damý mınıstrliginiń resmı saıtynda.

Qazir joldyń tájirıbe-eksperımentik aýmaǵynda zertteýler men baqylaýlar júrgizilip jatyr. Oń nátıje bolǵan jaǵdaıda atalǵan tehnologııa respýblıkalyq mańyzy bar avtomobıl joldaryndaǵy ortasha jóndeý jumystaryna engizilmek.

«Eske sala keteıik, elimizdiń avtojol salasynda jańa tehnologııalar men materıaldardy engizý jumysy belsendi júrgizilýde. Jumys materıaldy jumsaý men jol konstrýktsııalarynyń ózindik qunyn tómendetip, beriktik minezdemelerin arttyrýǵa jáne jóndeýaralyq merzimin ulǵaıtýǵa baǵyttalǵan»-delingen habarlamada.