«Nur-Sultan-Petropavl» tasjolynda 7 kólik soqtyǵysyp, 4 adam aýrýhanaǵa tústi
KÓKShETAÝ. QazAqparat - Aqmola oblysyndaǵy avtojolda 7 kólik soqtyǵysyp, 4 adam aýrýhanaǵa tústi. Zardap shekkenderdiń arasynda 9 jasar bala bar, dep habarlaıdy QazAqparat tilshisi oblystyq Polıtsııa departamentiniń baspasóz qyzmetine silteme jasap.
Vedomstvonyń málimetinshe, bıylǵy jylǵy qazannyń 31-de keshki saǵat 18:08-de Birjan sal aýdany polıtsııasynyń kezekshi bólimine «Nur-Sultan-Petropavl» avtojolynyń 186 shaqyrymynda jol-kólik oqıǵasy bolǵany týraly habar tústi.
«Anyqtalǵandaı, Petropavl qalasy baǵytynda júrip kele jatqan Nur-Sultan qalasynyń 22 jastaǵy turǵyny basqarǵan «Toyota Camry» avtokóligi joldyń ortasyndaǵy qısyq syzyqty bileýge soǵylǵan. Sonyń saldarynan túrli markaly jeti kólik soqtyǵysqan. Jol apatynan tórt jolaýshy zardap shegip, Bulandy aýdandyq aýrýhanasyna jetkizildi. Onyń ishinde bireýi 9 jasar bala»,- dedi vedomstvodan.
Qazirgi kezde, osy oqıǵaǵa baılanysty Qylmystyq kodekstiń 345-shi baby 2-bóligi «jol qozǵalysy erejelerin buzý» boıynsha sotqa deıingi tergeý amaldary júrgizilýde. Medıtsınalyq kýálandyrýdyń qorytyndysyna sáıkes júrgizýshiler saý bolǵan.
