«Nur-Sultan – Petropavl - Qorǵan» jolyndaǵy qurylys jumystary jaqynda aıaqtalady

NUR-SULTAN. QpazAqparat - Soltústik Qazaqstan oblysynda respýblıkalyq mańyzy bar «Nur-Sultan – Petropavl – Qorǵan» tasjolynyń uzyndyǵy 60 shaqyrymdy quraıtyn ýchaskesin qaıta salý jumystary jalǵasyp jatyr, dep habarlaıdy QazAqparat.

«Joba 2017 jyly iske asyryla bastady. Búgingi tańda joldyń 34 shaqyrymynda jol jabyndysynyń tómengi jáne joǵarǵy qabattary tóseldi. Naqtyraq aıtqanda, jumystar joldyń 525-shi jáne 496-shy shaqyrymynda, 496-shy jáne 465-shi shaqyrymy aralyǵynda qamtyldy. Budan bólek, 22 sý ótkizý qubyry, 4 kópir jáne mal ótkelderi ornatyldy», - delingen Indýstrııa jáne ınfraqurlymdyq damý mınıstrligi málimetinde.

Jobanyń bas merdigeri – «K-Dorstroı» AQ. Joldy salý jumystaryna 450 jumysshy, tehnıkanyń 275 birligi jumyldyrylǵan. Jumystar aıaqtalǵan soń, tasjol 1b jáne 2 tehnıkalyq sanattaryna saı bolmaq. Jol ýchaskesindegi qozǵalys osy jyldyń sońyna deıin ashylady dep josparlanýda.

Eske sala keteıik, Soltústik Qazaqstan oblysyndaǵy respýblıkalyq mańyzy bar joldardyń jalpy uzyndyǵy búgingi tańda 1968 shaqyrymdy quraıdy. Onyń 87 paıyzy jaqsy jáne qanaǵattandyrarlyq jaǵdaıda.