«Nur-Sultan – Petropavl» avtojoly ashyldy
PETROPAVL. QazAqparat – Soltústik Qazaqstan oblystyq tótenshe jaǵdaılar departamenti repýblıkalyq mańyzy bar avtokólik joldarynyń ashylǵanyn málimdedi, dep habarlady QazAqparat tilshisi.
Tańǵy 8-den bastap respýblıkalyq mańyzy bar A1 «Nur-Sultan – Petropavl» jolynyń 341-473 shaqyrymynda, M-51 «Chelıabi-Novosibir» jolynyń 535-655 shaqyrymynda kóliktiń barlyq túriniń júrýine ruqsat etildi.
Joldar túngi 3-te jaýyn-shashyn men kóktaıǵaq saldarynan jabylǵan bolatyn. Keshke taman «Darmen» mobıldi baǵdarlamasynda qutqarýshylar aýa raıynyń nasharlap ketkenin jáne joldy tuman basqanyn eskertken bolatyn.
Sınoptıkterdiń boljamynsha, 5 jeltoqsan Soltústik Qazaqstan oblysynda qar jaýady. Keı jerlerde tuman túsip, kóktaıǵaq, jaıaý burqasyn bolýy múmkin. Qutqarý qyzmeti turǵyndardyń mobıldi telefonyna eskertý habarlamasyn taratty.
