«Nur-Sultan - Pavlodar» baǵytynda jáne elimizdegi 9 jolda kólik qozǵalysy toqtady
NUR-SULTAN. QazAqparat - Aýa raıynyń buzylýyna baılanysty «Nur-Sultan - Pavlodar» tasjolynda kólik qozǵalysyna shekteý qoıyldy, dep habarlaıdy QazAqparat.
Ikomek aqparat ortalyǵynyń málimetinshe, aqtútek boranǵa baılanysty búgin túngi saǵat 00:00-den bastap «Nur-Sultan - Pavlodar» tasjoly jabyldy.
Kóliktiń barlyq túriniń qozǵalysyna tyıym salynǵan.
«QazAvtoJol» AQ habarlaǵandaı, qazirgi ýaqytta elimizdegi avtojoldardyń 9 ýchaskesinde kólik júrýine shekteý qoıylǵan.
1.Óskemen-Shemonaıha-RF shekarasy, km 105-123 (Shemonaıha-RF shekarasy)
2.Semeı-Qaınar, 144-266 (Sarjal-Qaınar)
3. Almaty-Óskemen, km 967-1068 (Qalbataý-Q.Qaısenov) (qoǵamdyq jáne júk kólikteri úshin)
4. Omby-Maıqapshaǵaı, km 910-1002 (Qalbataý-Kókpekti)
5. Semeı-Qaınar, km 8-144 (Semeı-Sarjal) (júk jáne qoǵamdyq kólikter)
6. Óskemen-Rıdder-RF shekarasy, km 15-105 (Beloýsovka-Rıdder) (júk jáne qoǵamdyq kólikter)
7. Óskemen-Shemonaıha-RF shekarasy, km 15-105 (Glýbokoe-Shemonaıha) (júk jáne qoǵamdyq kólikter)
8. Qyzylorda-Pavlodar, km 1066-1135 (Molodejnyı-Pavlodar oblysynyń shekarasy)
9. Qyzylorda-Pavlodar, km 1135-1206 (Qaraǵandy oblysynyń shekarasy-Bozshakól).
