Nur-Sultan oqýshylary úshin 34,5 myńǵa jýyq kompıýter satyp alynady
NUR-SULTAN. QazAqparat – Elordada turmysy tómen otbasylarda tárbıelenetin oqýshylar úshin 34,5 myń kompıýter satyp alynady, dep habarlaıdy QazAqparat.
Nur-Sultan ákimdiginen málim etkendeı, áleýmettik osal toptaǵy balalardy qashyqtan oqytý kezinde kompıýtermen jáne roýtermen qamtamasyz etý úshin 6 mlrd teńge bólindi. Bul, osy sanattaǵy barlyq balany qamtýǵa múmkindik beredi. ıAǵnı, qajetti tehnıka 34,5 myń balaǵa beriledi.
«Elordalyq barlyq bilim berý uıymdarynda jańa oqý jyly qashyqtan bastalady. Ata-analardyń ótinishi boıynsha 1-4 synyp oqýshylary úshin «kezekshi synyptardyń« jumys isteýin josparlap otyrmyz. Bul rette, barlyq sanıtarlyq sharalar qatań saqtalady. Pedagogterdiń 30% jýyǵy shtattyq rejımde, onyń ishinde kezekshi toptarda sabaq berý úshin jumysqa shyǵady.
Halyqtyń áleýmettik osal toptarynan shyqqan balalardy kompıýterlermen jáne roýterlermen qamtamasyz etemiz. Osy maqsatta 6 mlrd teńge bólinedi. Budan basqa, birqatar áleýmettik sharalar qolǵa alyndy. Atap aıtsaq, jalpyǵa mindetti oqý qory sheńberinde árbir oqýshyǵa mektep quraldaryn satyp alýǵa 40 myń teńgeden bólemiz, 7 myń bala «Mektepke jol« aktsııasymen qamtylady.
Sondaı-aq, balabaqshalardaǵy «kezekshi toptardyń« jumysyn jalǵastyrýdy josparlap otyrmyz», - dedi elorda ákimi Altaı Kólginov.
