Nur-Sultan men jeti óńirde aýa raıyna baılanysty eskertý jarııalandy

NUR-SULTAN. QazAqparat - Elordada jáne elimizdiń jeti oblysynda jel kúsheıip, naızaǵaı oınap, aptap ystyq bolady, dep habarlaıdy QazAqparat «Qazgıdromet» RMK-ǵa silteme jasap.

27 tamyzda Aqmola oblysynyń soltústiginde, shyǵysynda naızaǵaı oınap, kúndiz burshaq jaýýy múmkin. Jel soltústik-batystan, soltústikten, kúndiz soltústikte, oblystyń shyǵysynda ekpini 15-20 m/s.

Batys Qazaqstan oblysynda kúndiz 37 gradýs ystyq. Oblystyń ońtústiginde tótenshe órt qaýpi saqtalady. Oralda kúndiz aýa temperatýrasy 35 gradýsqa deıin kóteriledi.

Kúndiz Atyraý oblysynyń batysynda, ońtústik-shyǵystan, shyǵystan jel soǵady, ekpini 15-20 m/s jetedi. Kúndiz oblysta 39 gradýsqa deıin ystyq saqtalady. Oblystyń batysy men shyǵysynda tótenshe órt qaýpi bar. Atyraýda kúndiz 36 gradýs ystyq.

Kúndiz batysta, Pavlodar oblysynyń ortalyǵynda naızaǵaı oınaıdy. Soltústik-batystan soǵatyn jel, naızaǵaıdyń ekpini 18 m/s.

Abaı oblysynyń ońtústiginde tótenshe órt qaýpi saqtalady.

Qyzylorda oblysynda soltústik-shyǵystan jel soǵady, kúndiz oblys ortalyǵynda 15-20 m/s kúsheıedi. Oblystyń basym bóliginde jáne Qyzylorda qalasynda tótenshe órt qaýpi saqtalady.

Soltústik Qazaqstan oblysynyń soltústiginde, ońtústiginde, shyǵysynda naızaǵaı oınaıdy. Soltústik-batystan jel soǵyp, kúndiz oblystyń ońtústiginde ekpini 15-20 m/s jetedi.

Nur-Sultanda 27 tamyzda kúndiz naızaǵaı oınaıdy.