Nur-Sultan men taǵy úsh qalada aýa sapasy nasharlaıdy
NUR-SULTAN. QazAqparat – 24 tamyz kúni Qazaqstannyń kóptegen qalalarynda qolaıly meteorologııalyq jaǵdaı saqtalady, dep habarlaıdy QazAqparat.
«Qazgıdromet» RMK baspasóz qyzmeti taratqan málimetke sensek, 24 tamyz, sársenbi kúni elimizdegi qalalardyń basym kópshiliginde meteorologııalyq ahýal birqalypty bolady.
Tek Nur-Sultan, Almaty, Petropavl jáne Aqtóbe qalalarynda ǵana aýa sapasy birshama nasharlaıdy.
Qolaısyz meteorologııalyq jaǵdaılar - atmosferalyq aýanyń betki qabatynda zııandy zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.
QMJ jaǵdaıynda eldi mekenderdegi atmosferalyq aýanyń sapasy nasharlaýy yqtımal.
