Nur-Sultan men Shymkent turǵyndaryna jaǵymsyz meteorologııalyq jaǵdaı eskertildi
NUR-SULTAN. QazAqparat – 4 jeltoqsan kúni jaǵymsyz meteorologııalyq jaǵdaı Qazaqstannyń eki qalasynda kútiledi, dep habarlaıdy QazAqparat.
«Qazgıdromet» RMK aqparatyna súıensek, sársenbi kúni atmosferalyq aýa sapasy Nur-Sultan jáne Shymkent qalalarynda nasharlaıdy.
Sınoptıkterdiń derekterine qaraǵanda, Aktóbe, Almaty, Balqash, Qaraǵandy, Taraz, Temirtaý, Óskemende aýanyń lastanýy kútilmeıdi.
Qolaısyz meteorologııalyq jaǵdaılar - atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.
QMJ jaǵdaıynda eldi mekenderdegi atmosferalyq aýanyń sapasy nasharlaýy yqtımal.
