Nur-Sultan men Petropavlda aýa sapasy nasharlaıdy

NUR-SULTAN. QazAqparat – 11 shilde kúni Qazaqstannyń barlyq derlik qalasynda qolaıly meteorologııalyq jaǵdaı qalyptasady, dep habarlaıdy QazAqparat.

«Qazgıdromet» RMK málimetinshe, sársenbi kúni atmosferalyq aýa sapasy tek Nur-Sultan jáne Petropavl qalalarynda nasharlaıdy.

Ózge shaharlarda meteoahýal norma sheginde bolady.

Qolaısyz meteorologııalyq jaǵdaılar – atmosferalyq aýanyń betki qabatynda zııandy zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.

QMJ jaǵdaıynda eldi mekenderdegi atmosferalyq aýanyń sapasy nasharlaýy yqtımal.