Nur-Sultan men birqatar óńirlerde aýa raıyna baılanysty eskertý jarııalandy
NUR-SULTAN. QazAqparat - Aýa raıynyń buzylýyna baılanysty «Qazgıdromet» RMK Qazaqstannyń birqatar óńirinde eskertý jarııalady, dep habarlaıdy QazAqparat.
13-15 maýsymda Aqmola oblysynyń keı jerlerinde naızaǵaı oınap, kúndiz daýyl turady. Burshaq jaýýy múmkin. Ońtústik-batystan soqqan jel soltústik-shyǵysqa aýysady. Keı ýaqyttarda jel ekpini 15-20 m/s jetedi. 14-15 maýsymda keı jerlerde nóser jańbyr jaýady.
Nur-Sultan qalasynda naızaǵaı jarqyldap, burshaq jaýady. Ońtústik-batystan soqqan jel soltústik-shyǵysqa aýysady. Keı ýaqytta jer qarqyny 15-20 m/s deıin kúsheıedi.
13 maýsymda Qostanaı oblysynyń keı jerlerinde naızaǵaı oınap, daýyl turady. Kúndiz burshaq jaýady. Soltústik-batystan jel soǵady. Naızaǵaı kezinde jel ekpini 15-20 m/s bolady.
13 maýsym kúni Qostanaı qalasynda tańerteń jáne kúndiz naızaǵaı jarqyldaıdy. Soltústik-batystan jel soǵady. Jeldiń kúshi naızaǵaı kezinde 15-20 m/s jetedi.
