Nur-Sultan men Almatynyń arasynda taǵy bir Talgo poıyzy qatynaıdy

NUR-SULTAN. QazAqparat - «Jolaýshylar tasymaly» AQ Talgo vagondarynan jasaqtalǵan Nur-Sultan Nurly jol – Almaty-2 baǵytyndaǵy №204/203 kommertsııalyq jolaýshylar poıyzyn iske qosty, dep habarlaıdy QazAqparat.

«Qazaqstan temir joly» UK» AQ baspasóz qyzmetiniń málimetinshe, jolaýshylar poıyzy eki qalanyń arasynda kúnara qatynaıdy.

«Poıyz Nur-Sultan Nurly jol stantsııasynan 2022 jylǵy 17 shildeden bastap taq kúnderi jóneltiledi. Almaty-2 stantsııasynan 18 shildeden bastap jup kúnderi júretin bolady», - dep jazdy vedomstvo.

Ulttyq tasymaldaýshy kompanııa jolaýshylardan jol júrý qujattaryn (bıletterdi) BILET.RAILWAYS.KZ saıty nemese «QTJ bıletteri» mobıldi qosymshasy arqyly onlaın rásimdeýdi suraıdy. Vagonda oryn bolmaǵan jaǵdaıda temirjol bıletterin satyp alý úshin «Kútý paraǵy» fýnktsıonalyn paıdalanýdy usynady.