Nur-Sultan men Almatyǵa óńirlerden dárigerler shaqyrylyp jatyr

NUR-SULTAN. QazAqparat - Nur-Sultan emhanalaryndaǵy josparly qabyldaýlar keıingi shegeriledi. Bul týraly «Qazaqstan» telearnasyndaǵy «Ashyq alań» baǵdarlamasynda QR Densaýlyq saqtaý mınıstrliginiń resmı ókili Dıas Ahmetshárip aıtty, dep habarlaıdy QazAqparat tilshisi.

«Tótenshe jaǵdaıǵa baılanysty dárigerlerdiń barlyǵy jumyldyryldy. ıAǵnı, kezek-kezekpen jumys isteıdi. Mınıstrlik tarapyna olarǵa kóp jaǵdaı jasalyp jatyr. Olar maıdannyń aldyńǵy shebinde júrgendikten jaǵdaı jasaý kerek. Kún tártibi de ózgerdi. Tórt kezekten jumys isteýde. Nur-Sultan men Almaty qalalaryna dárigerler shaqyrylýda», - dedi Dıas Ahmetshárip.

Onyń atap ótýinshe, óńirlerde dárigerler jetkilikti. Vırýs taraǵan kezde qalaı jumys isteý kerektigin biledi.

«Dárigerlerdiń barlyǵy - bilikti mamandar. Soǵan qaramastan kúsheıtip jatyrmyz. Ázirshe eki qalada ǵana anyqtalyp otyr. Basqa Qazaqstannyń qalalaryna taralmaýyn tileımiz. Mınıstrlik tarapynan dárigerlerge tolyqqandy qoldaý bar, yntalandyryp jatyrmyz. Mınıstrdiń qaýlysy bar. Osyndaı jaǵdaıda jumys istep jatqan dárigerlerge 2-3 aı boıy jalaqysyn 2-3 ese kóterý máselesi shtabta qarastyrylyp jatyr», - dedi resmı ókil.