Nur-Sultan men Almatydaǵy zańsyz sherý kezinde úsh polıtsııa qyzmetkeri zardap shekti
NUR-SULTAN. QazAqparat - Nur-Sultan men Almatydaǵy zańsyz sherý kezinde úsh polıtsııa qyzmetkeri zardap shekti. Bul týraly búgin QR Іshki ister mınıstriniń orynbasary Marat Qojaev aıtty, dep habarlaıdy QazAqparat tilshisi.
"Almaty qalalyq densaýlyq saqtaý basqarmasynyń málimetterine sáıkes, medıtsınalyq mekemelerge eshkim júgingen joq. Nur-Sultan qalasynda zańsyz aktsııa ótken jerde medıtsına qyzmetkerlerine 12 adam júgindi. Olardyń barlyǵy negizinen gepertonııalyq krızge (aýrýdyń kenetten kúrt asqynýy) shaǵymdanǵan", - dedi mınıstrdiń orynbasary Ortalyq saılaý komıssııasyndaǵy brıfıng barysynda.
Sonymen qatar, ol qaladaǵy qoǵamdyq tártipke qarsy aktsııaǵa qatysýshylar polıtsııa qyzmetkerlerine qarata tas, qoldaryna ilikken zattardy laqtyryp, kózden jas aǵyzatyn ballondardy qoldanǵan.
"Osy áreketterdiń saldarynan 3 polıtsııa qyzmetkeri jaraqat aldy. Onyń ekeýi top adamdardyń ishinen laqtyrylǵan tastan zardap shekse, bir qyzmetker qasaqana qoldanylǵan kózden jas aǵyzatyn ballonnan kúıik aldy. Mundaı áreketterge qylmystyq zańnama baptaryna saı protsestik baǵa beriletinin eskertemin. Ol adamdar anyqtalyp, qatań jaýapqa tartylatyn bolady", - dedi Marat Qojaev.
