Nur-Sultan men Almatydaǵy HQKO-lar jańa jumys tártibine kóshti

NUR-SULTAN. QazAqparat - Karantın jarııalanýyna baılanysty Nur-Sultan jáne Almaty qalalaryndaǵy Halyqqa qyzmet kórsetý ortalyqtarynyń jumys rejimin ózgertý týraly sheshim qabyldandy, dep habarlaıdy QazAqparat QR Tsıfrlyq damý, ınnovatsııalar jáne aeroǵarysh ónerkásibi mınıstrligi baspasóz qyzmetine silteme jasap.

HQKO kórsetetin qyzmetter sany qysqartylady. Azamattar onlaın usynylmaıtyn qyzmetterdi ǵana ala alady. Osymen birge, elimizdegi barlyq HQKO saǵat 17:00-ge deıin jumys isteıtin bolady.

Halyqqa qyzmet kórsetý ortalyqtarynan alýǵa bolatyn qyzmetterdiń qatarynda tólqujat pen jeke kýálik alý, zeınetaqy men ár túrli járdemaqy taǵaıyndaý jáne t.b. bar. HQKO kórsetetin qyzmetterdiń tolyq tizimi qosa berilip otyr.

«Búgingi tańda memlekettik qyzmetterdiń 80%-y avtomattandyrylǵan jáne elektrondyq úkimet portaly arqyly qoljetimdi, sondaı-aq qajetti anyqtamalardy eGov Mobile mobıldi qosymshasy jáne Telegram-daǵy bot arqyly alýǵa bolady. Memlekettik qyzmetterdi alý barysynda qandaı da bir qıyndyqtar men suraqtar týyndaǵan jaǵdaıda azamattar 1414 Biryńǵaı baılanys ortalyǵyna uıaly jáne statsıonarly telefonnan habarlasa alady. Qońyraý soǵý tegin. Buryn habarlaǵanymyzdaı, QR Tsıfrlyq damý, ınnovatsııalar jáne aeroǵarysh ónerkásibi mınıstrligi «UAT» AQ, «Azamattarǵa arnalǵan úkimet» KEAQ jáne «Qazaqtelekom» AQ birlesip, QR 1414 Biryńǵaı baılanys ortalyǵynyń jumysyn kúsheıtti», delingen habarlamada.

Sonymen qatar, mınıstrlik Halyqqa qyzmet kórsetý ortalyqtaryna adam kóp shoǵyrlanatyndyqtan, azamattarǵa HQKO-ǵa asa qajet bolmasa barmaýǵa keńes beredi.