Nur-Sultan men Almatyda zańsyz sherý ótkizýge áreket jasaldy - ІІM
NUR-SULTAN. QazAqparat - QR ІІM Nur-Sultan men Almatydaǵy sherýler jaıly túsinikteme berdi, dep habarlaıdy QazAqparat vedomostvonyń baspasóz qyzmetine silteme jasap.
«6 shilde, meıram kúni Nur-Sultan men Almaty qalalarynda zańsyz sherý ótkizý uıymdastyryldy. Prokýratýranyń birneshe márte eskertýine qaramastan jekelegen azamattar tyıym salynǵan ekstremıstik uıymnyń arandatýshylyq yǵyna jyǵyldy. Keıbireýleri ózge azamattardyń tynyshtyǵy men qaýipsizdigine qaýip tóndire otyryp, quqyq qorǵaý organdarynyń qyzmetkerlerine qatysty zańǵa qaıshy áreketter jasady», - dep atap ótedi mınıstrlikten.
Vedomstvo málimetinshe, osyǵan baılanysty ishki ister organdary qoǵamdyq tártipti buzýshylardyń jolyn kesýge baǵyttalǵan zańdy sharalardy qoldanǵan.
«Uıymdastyrýshylar men belsendi qatysýshylar polıtsııa bólimshelerine jetkizildi. Ustalǵandardyń keıbireýinen tútindetý qutysy men travmatıkalyq qarý tárkilendi. Buzaqylardy ustaý barynsha qısyndy júrgizildi jáne arnaıy quraldar qoldanylǵan joq», - delingen mınıstrlik aqparatynda.
