Nur-Sultan men Almatyda volonterler myńǵa jýyq kómek aktsııasyn ótkizdi
NUR-SULTAN. QazAqparat – QR Aqparat jáne qoǵamdyq damý mınıstri Dáýren Abaev indetpen kúres kezeńinde eriktilerdiń qosqan eleýli úlesi týraly aıtty, dep habarlaıdy QazAqparat tilshisi.
«Osy kúrdeli kezeńde asa mańyzdy jumys atqaryp jatqan volonterler qyzmetin erekshe atap ótkim keledi. Mysaly, tek Nur-Sultan men Almaty qalalarynyń ózinde olar myńǵa jýyq kómek aktsııasyn ótkizip, 30 myń adamǵa járdem berdi. 8 myńdaı otbasyna azyq-túlik apardy. Osy eki qalanyń ózinde volonterler muqtaj adamdarǵa 200 myńǵa jýyq medıtsınalyq maska taratty», - dedi mınıstr «Habar 24» telearnasynyń tikeleı efırinen.
Onyń sózine qaraǵanda, elimizdiń barlyq óńirinde eriktiler dál osyndaı muqtaj adamdarǵa azyq-túlik, dári-dármek, birinshi kezekti qajetti zattaryn aparyp berýde.
