Nur-Sultan men Almatyda mıtıng ótti
Uıymdastyrýshylardyń aıtýynsha, búgingi mıtıngti ótkizý ákimdikpen kelisilgen jáne ruqsat berilgen. Jıyn Jeruıyq parkinde ótti.
Mıtıngte ondaǵan qatysýshylar barlyq azamattardyń negizgi quqyqtary men bostandyǵyn saqtaý, parlamenttik respýblıkaǵa aýysý, shynaıy jergilikti ózin-ózi basqarý máselelerin kóterdi. Odan bólek, aktsııa qatysýshylary saılaý júıesin reformalaý men zań ústemdigin, sot bıliginiń táýelsizdigin talap etip, pikirlerin bildirdi.
Almatyda búgin Saryarqa kınoteatrynyń artyndaǵy alańda ruqsat etilgen mıtıng ótti.
Onda da birneshe adam «Kásipodaqtan qolyńdy tart!», «Daǵdarysqa tóleme, kásipodaqqa qosyl!», «Kásipodaqtar táýelsiz bolsyn», «Ereýil jasaý quqyǵy QR Konstıtýtsııasynyń 24-babymen qorǵalǵan» dep jazylǵan plakattarmen shyqty.
«Bizdiń maqsatymyz - Qazaqstandaǵy eńbek quqyqtarynyń buzylyp jatqanyna nazar aýdartý. Oǵan elimiz jetkilikti kóńil bólip otyrǵan joq. Bıznes sýbektileri men kásipodaqtar eńbek quqyǵyn óreskel buzyp júr, kásipodaqtar ishinde kúres júrip jatyr. Sondyqtan, biz joǵary umtylǵanymyzben, Qazaqstan halyqaralyq reıtıngte tómendep keledi. Eńbek quqyǵy eshkimge qajet bolmaıtyndaı kezeńge túsýimiz múmkin. Bul jaqsy emes», - dedi «Azamattyq qorǵanys» QQ tóraǵasynyń orynbasary Dmıtrıı Lıtvın.
Onyń aıtýynsha, jumyskerler óz quqyqtaryn talap etip, kásipodaqta birigýi tıis.
Jıyn barysynda ózge de qatysýshylar óz pikirin aıtty.
Aıta keteıik, buǵan deıin Almaty máslıhaty azamattardyń beıbit jıyny úshin eki oryn belgilegen bolatyn.
