Nur-Sultan men Almatyda karantın bastaldy
NUR-SULTAN. QazAqparat – 22 naýryz túngi saǵat 00:00-de Almaty jáne Nur-Sultan qalalarynda karantın rejımi tolyq kúshine endi, dep habarlaıdy QazAqparat.
Aıta keteıik, 16 naýryzda Qazaqstanda koronavırýs ınfektsııasyna baılanysty tótenshe jaǵdaı jarııalanǵan bolatyn. Al 19 naýryzda elimizdiń eki iri qalasy – Almaty men Nur-Sultanda karantın rejımi engizildi. Shaharlardyń mańyna blok-beketter ornatylyp, kelip-ketýshiler qatań tekseristen ótetin boldy.
Keıinnen ákimdik turǵyndardyń eki qalaǵa kirip-shyǵýyna 72 saǵat ýaqyt berdi. Osylaısha tolyq karantın 22 naýryzdan bastan engiziletin bolyp sheshildi.
Eske sala keteıik, búginde Qazaqstanda 54 adam koronavırýs juqtyrǵan. Onyń ishinde Nur-Sultanda – 29, Almatyda – 22, Qaraǵandyda – 2 jáne Almaty oblysynda 1 jaǵdaı tirkelgen.
