Nur-Sultan men Almatyda ınfektsıonıst-dárigerler jetkilikti me
NUR-SULTAN. QazAqparat – Óńirlerden Nur-Sultan men Almatyǵa jiberilgen dárigerler megapolısterdegi epıdemıologııalyq ahýaldy tekserýge kómektesip jatyr. Bul týraly QR DSM Taýarlar men qyzmetterdiń sapasyn jáne qaýipsizdigin baqylaý komıtetiniń tóraǵasy Lıýdmıla Bıýrabekova aıtty, dep habarlaıdy QazAqparat tilshisi.
«Búginde barlyq qala úshin kadrlyq rezerv jasaqtalǵan. Degenmen, dárigerler eki qalada (Nur-Sultan men Almaty) aýrýhanaǵa jatqyzylyp jatqandarmen de, karantınge túsip jatqandarmen de jumys istep úlgerip jatyr. Sanıtarlyq-epıdemıologııalyq jaǵdaıdy kúsheıtý úshin Nur-Sultan men Almaty qalalaryna túrli óńirlerden adamdardy issaparǵa jiberdik. Olar blok-beketterde kezekshilik uıymdastyrýǵa jáne epıdemıologııalyq ahýaldy tekserýge kómektesip jatyr»,- dedi komıtet tóraıymy mınıstrliktiń Facebook-tegi paraqshasynda «Densaýlyq mınıstrligi habarlaıdy...» degen aıdarmen jarııalanǵan vıdeoda.
