Nur-Sultan men Almatyda barlyq kólik turaqtary tegin bolady
NUR-SULTAN. QazAqparat – Nur-Sultan men Almaty qalalarynda barlyq kólik turaqtary tegin bolady. Bul týraly Densaýlyq saqtaý mınıstrligi Taýarlar men kórsetiletin qyzmetterdiń sapasyn baqylaý komıtetinen málim etti, dep habarlaıdy QazAqparat.
«Koronavırýstyń taralýyna baılanysty Qazaqstan Respýblıkasynyń aýmaǵynda engizilgen tótenshe jaǵdaı rejımine baılanysty Nur-Sultan men Almaty qalalarynda avtokólik turaqtary tegin bolady. Almatynyń qalalyq turaqtarynda 21 naýryzdan bastap aqy alynbaıdy. Aqyly turaqtar turǵyndardan aqyny 15 sáýirge deıin almaıdy», - delingen aqparatta.
Aıta keteıik, 19 naýryzdan bastap atalmysh eki megapolıste karantın engizildi. 16 naýryzda el boıynsha tótenshe jaǵdaı jarııalandy.
Qazaqstanda qaýipti indetti juqtyrǵandar sany 49-ǵa jetti. Onyń ishinde Almatyda - 22, Nur-Sultanda - 25 jáne Qaraǵandyda - 2 jaǵdaı tirkelgen.