Nur-Sultan men Almaty TMD-daǵy kúzde saıahattaıtyn qalalar bestigine kirdi

NUR-SULTAN. QazAqparat – TýrStat týrıstik portaly kúzde demalýǵa jáne saıahattaýǵa qolaıly TMD elderiniń úzdik qalalar reıtıngin usyndy, dep habarlaıdy QazAqparat.

Reseılik týrısterdiń kúzde saıahattaýy úshin TMD elderinde Mınsk, Astana jáne Erevan kósh bastap tur.

TMD qalalarynyń týrıster arasyndaǵy alǵashqy ondyǵyna Belarýstegi Mınsk, Qazaqstandaǵy Nur-Sultan, Armenııadaǵy Erevan, Qazaqstandaǵy Almaty, Ázerbaıjandaǵy Baký, Ózbekstandaǵy Tashkent, Moldovadaǵy Kıshınev, Qyrǵyzstandaǵy Bishkek, Tájikstandaǵy Dýshanbe jáne Túrkmenstandaǵy Ashhabad kiredi.

Mınskide 20 qyrkúıekten 8 qazanǵa deıin «TEART» Halyqaralyq teatr óneriniń forýmy ótedi, 5 qazanda Armenııanyń Arenı aýylynda jyl saıynǵy sharap jasaý festıvali ótedi, 5 jáne 6 qazanda Kıshınevte sharap kúni atalyp ótedi, qazan aıynyń sońynda Ázerbaıjannyń Geıchaı qalasynda dástúrli anar merekesi ótedi.

TýrStat málimetterine sáıkes, týrıster qalalarǵa kúzde saıahat jasaýǵa jáne tamaqtanýǵa kúnine 40-100 dollar aralyǵynda qarajat jumsaıdy, demalys kúnderi Mınsk pen Erevanǵa, shopıng úshin Nur-Sultan men Bakýge barady.