Nur-Sultan: Koronavırýstan jazylǵan patsıent dárigerlerge alǵys aıtty
NUR-SULTAN. QazAqparat - Koronavırýs ınfektsııasynan saýyǵyp ketken naýqastardyń biri Elmıra Qazymova kópbeıindi medıtsınalyq ortalyq dárigerlerine alǵys aıtty, dep habarlaıdy QazAqparat Nur-Sultan qalasy ákimdiginiń resmı saıtyna silteme jasap.
Naýqas 17 sáýirde aýrýhanaǵa túsken.
«Medıtsınalyq ortalyqtyń basshylyǵy men kásibı ujymǵa kórsetken kómekteri úshin alǵysymdy bildirgim keledi. Barlyq dárigerlerge, atap aıtsam, meni emdeýshi dáriger Anastasııa Maı men bólim meńgerýshisi Maral Ábdirahmanovaǵa erekshe rahmet aıtamyn», - dep jazdy E. Qazymova Instagram paraqshasynda.
Sondaı-aq, ol barlyq dárigerler men medpersonalǵa, ashana qyzmetkerlerine, medıtsınalyq ortalyqtyń tehnıkalyq qyzmetkerlerine óz rızashylyǵyn bildirdi.
«Barlyǵy óz jumysyn kásibı deńgeıde oryndap, bizge jyly shyraı tanytyp, úıdegideı kútim jasady. Tipti emhanada jatqanymyz bilinbedi. Sizder óz otbasylaryńyzdy, týystaryńyz ben jaqyndaryńyzdy tastap, osy qaýipti vırýspen kúresip júrsizder. Sizder - bizdiń respýblıkanyń maqtaýǵa laıyq azamatysyzdar. Otbasylaryńyzǵa amandyq, jumystaryńyzǵa bereke tileımin», - deıdi jazylyp shyqqan naýqas.
