Nur-Sultan koronavırýs boıynsha «sary» aımaqqa oralýy múmkin

NUR-SULTAN. QazAqparat - 15 jeltoqsannan bastap elorda epıdemıologııalyq jaǵdaıdy baǵalaý matrıtsasyna sáıkes jasyl aımaqta ornalasqan. Alaıda, búgingi kúni koronavırýs ınfektsııasynyń damý qarqyny boıynsha Nur-Sultan qalasynda RT reprodýktıvti sany -0,993 quraıdy.

ıAǵnı 1,0-ge óte jaqyn, odan asyp ketken jaǵdaıda qala «sary» aımaqqa kóshedi. RT reprodýktıvti sany aımaqtardy anyqtaý krıterııleriniń biri bolyp tabylady.

Aptalyq aýyrǵandar kórsetkishin salystyra otyryp, aýrýdyń ósýi baıqalady, sol sebepten Rt sany da ósýde. Mysaly, 17 jeltoqsanda -532 jaǵdaı , 18 jeltoqsanda -536, 19 jeltoqsanda -521, 20 jeltoqsanda-545 jáne 21 jeltoqsanda aptasyna 552 jaǵdaı tirkelgen. Elorda 7 kún boıy «jasyl» aımaqta bolǵannan keıin qosymsha jeńildikter engizilýi kerek edi.

Alaıda, merekeden keıingi turaqsyz jaǵdaıdy eskere otyryp, epıdemıologııalyq jaǵdaıdy taǵy birneshe kún baqylaý josparlanyp otyr. Eger koronavırýs ınfektsııasy boıynsha turǵyndardyń shaǵymdary kóbeımese, onda sáıkesinshe jeńildetýler engiziledi.

«Nur-Sultan qalasynyń sanıtarlyq-epıdemıologııalyq baqylaý departamenti burynǵydaı maska rejımin, áleýmettik qashyqtyqty saqtaýǵa, jappaı is-sharalarǵa qatyspaýǵa shaqyrady. Barynsha jumyla atqarylǵan is pen áreket indettiń aldyn-alýǵa jetkizedi. Aýrýdyń aýyr aǵymynyń qaýpin tek vaktsınatsııa jáne revaktsınatsııa azaıtady. Búgingi tańda odan ózge senimdi qorǵanys joq!»,-delingen Nur-Sultan qalasynyń sanıtarııalyq-epıdemıologııalyq baqylaý departamenti taratqan habarlamada.