Nur-Sultan qalasynyń prokýrory qala turǵyndaryna úndeý jasady
Áleýmettik jelilerde ekstremıstik uıymnyń ıdeıalaryn qoldaıtyn jekelegen tulǵalar, Nur-Sultan qalasynda zańsyz mıtıngiler men sherýlerge qatysýǵa shaqyrýlar taratýda. Osyǵan baılanysty, Nur-Sultan qalasy prokýratýrasy mıtıngilerdi uıymdastyrý jáne ótkizý tártibi 2020 jylǵy 25 mamyrda qabyldanǵan «Qazaqstan Respýblıkasynda beıbit jınalystardy uıymdastyrý jáne ótkizý tártibi týraly» jańa Zańmen retteletinin túsindiredi.
Bul zań elde beıbit jınalystardy uıymdastyrý men ótkizýdi demokratııalandyryp, jeńildetti.
Naqty aıtqanda, jınalystar, mıtıngiler men pıketterdi uıymdastyrý jáne ótkizý úshin habarlama jasaý tártibi qarastyrylǵan.
Olardy ótkizý týraly habarlama belgilengen kúnge deıin 5 jumys kúninen keshiktirilmeı jergilikti atqarýshy organǵa jazbasha nysanda beriledi.
Onda beıbit jınalystyń maqsaty men nysany, uıymdastyrýshylar men qoǵamdyq tártipti saqtaýǵa jaýapty adamdardyń derekteri kórsetiledi.
Atalǵan habarlamany jergilikti atqarýshy organ ony tirkegen kúnnen bastap 3 jumys kúni ishinde qaraýǵa tıis. Osy 3 kún ótkennen keıin jaýap bolmaǵan jaǵdaıda, uıymdastyrýshy berilgen habarlamaǵa sáıkes beıbit jınalys ótkizýge quqyly.
Demonstratsııalar men sherýler kelisý tártibimen ótkiziledi.
Ol úshin uıymdastyrýshy onyń ótkiziletin kúnine deıin 10 jumys kún buryn ótinish berýge, al jergilikti atqarýshy organ ol boıynsha 7 jumys kúni ishinde jaýap berýge mindetti.
Uıymdastyrýshy ótinishte qatysýshylardyń júrý baǵytyn, sondaı-aq qoǵamdyq tártipti saqtaýdy, medıtsınalyq kómekti uıymdastyrýdy, órt qaýipsizdigin qamtamasyz etýge járdemdesý sharalaryn kórsetedi.
Ótinishti qaraý qorytyndylary boıynsha jergilikti atqarýshy organ uıymdastyrýshyǵa demonstratsııa nemese sherý ótkizý kelisilgeni ne ony ótkizýden bas tartqany týraly habarlaıdy
Zań boıynsha beıbit jınalystar qatań túrde arnaıy jerlerde jáne qalalyq, aýdandyq máslıhattarmen belgilegen marshrýt boıynsha uıymdastyrylýy jáne ótkizilýi tıis.
Óz kezeginde, jergilikti atqarýshy organmen uıymdastyrýshylarǵa beıbit jınalystardy ótkizýdi kelisýden bas tartylǵan.
Tıisinshe, Zańdy buza otyryp júrgiziletin beıbit jınalystardy uıymdastyrý jáne oǵan qatysý quqyqqa qaıshy bolyp tabylady jáne Ákimshilik quqyq buzýshylyq týraly kodekstiń 488-baby boıynsha 25 táýlikke deıin qamaýǵa alý ákimshilik jaýaptylyqqa ákep soǵady.
Eger bul áreketter azamattardyń, uıymdardyń, qoǵamnyń nemese memlekettiń quqyqtary men zańdy múddelerine eleýli zııan keltirýmen qatar júretin bolsa, Qylmystyq kodekstiń 400-baby boıynsha qylmystyq jaýaptylyq týyndaıdy, ol aıyppul ne 200 AEK-ke deıingi mólsherde túzeý jumystary nemese 200 saǵatqa deıingi merzimge qoǵamdyq jumystarǵa tartý ne 50 táýlikke deıingi merzimge qamaý túrindegi jazany kózdeıdi.
Budan basqa, «Sovid-19» koronavırýstyq ınfektsııasynyń pandemııasyna baılanysty Nur-Sultan qalasynyń Bas memlekettik sanıtarlyq dárigeriniń 2021 jylǵy 23 sáýirdegi «Karantındik shekteýlerdi qatańdatý sharalary týraly» qaýlysymen belgilengen adamdar kóp jınalatyn is-sharalardy ótkizýge salynǵan tyıym áli de qoldanysta ekendigin eske salamyz.
Ony saqtamaǵany úshin ákimshilik jáne qylmystyq jaýaptylyq kózdelgen.
Nur-Sultan qalasynyń prokýratýrasy azamattardy qoldanystaǵy zańnama normalaryn múltiksiz saqtaýǵa, arandatýshylyqqa boı aldyrmaýǵa jáne zańsyz aktsııalarǵa qatysýdan bas tartýǵa shaqyrady.