Nur-Sultan qalasynyń polıtseıleri birneshe ret avtokólik urlaǵan kúdiktini ustady
NUR-SULTAN. QazAqparat - Elordalyq polıtseıler jedel-izdestirý is-sharalaryn ótkizý kezinde túngi ýaqytta Reseıde shyǵarylǵan eki avtokólikti urlap áketken Nur-Sultan qalasynyń buryn sottalǵan turǵynyn qolǵa túsirdi, dep habarlaıdy QazAqparat qalalyq PD baspasóz qyzmetine silteme jasap.
Ustalǵan adam ýaqytsha ustaý ızolıatoryna qamaýǵa alynyp, osy sekildi qylmystarǵa qatystylyǵy tekserilýde.
Departament qyzmetkerleri atalǵan tulǵanyń quqyqqa qaıshy áreketterinen zardap shekkenderge 8 (7172) 71-61-07 nemese 102 telefondaryna qońyraý shalýdy suraıdy.
Sonymen qatar, polıtsııa qyzmetkerleri avtokólikke dabyl ornatýdy, avtokólikti kúzetiletin turaqtarǵa jáne avtoparkıngterge qoıýdy, avtokólik salondarynda baǵaly zattardy qaldyrmaýdy usynady. 
