Nur-Sultan qalasynyń dızaın-kody bekitildi

«Nur-Sultan qalasynyń dızaın-kody qalalyq máslıhatta bekitildi. Bul jumys QR Prezıdenti Qasym-Jomart Toqaevtyń qoıǵan tapsyrmanyń nátıjesi. Memleket basshysy qala ákimdigine elorda ǵımarattary men kósheleriniń biryńǵaı dızaın-kodyn jasaýdy tapsyrdy. Dızaın-kod degenimiz birkelki, qaýipsiz jáne yńǵaıly qalalyq ortany qalyptastyrýdyń erejesi men sıpattamasy. Atalǵan qujat qala qurylysy keńistigi men onyń tetikterin rásimdeýdi reglamentteıdi. Dızaın-kodtyń mindeti qoǵamdyq keńistikti qurý jáne adamdar úshin jaıly qala qalyptastyrý», - delingen Nur-Sultan qalasy Sáýlet, qala qurylysy jáne jer qatynastary basqarmasynyń habarlamasynda.

Basqarmanyń málimetine sú ıensek, dızaın-kodtyń aıasynda elordanyń 2387,3 shaqyrymdy quraıtyn kóshe joly jelisi toptastyryldy.

«Sondaı-aq, qalanyń jalpy boıaý tústerine taldaý jasaldy. Onyń barysynda ǵımarat qasbetteriniń reńine qatysty birneshe problemalar anyqtaldy. Jáne dızaın-kodta jarnama ornatý men ǵımarat qasbetterine ınjenerlik júıeni tartýdyń erejeleri ázirlendi», - dep jazylǵan aqparatta.