Nur-Sultan qalasynyń ataýyn ózgertý máselesi erteń elorda máslıhatynda qaralady

NUR-SULTAN. QazAqparat – Erteń elorda máslıhatynda Nur-Sultan qalasynyń ataýyn ózgertýge qatysty másele qaralady, dep habarlaıdy QazAqparat.

«2022 jylǵy 15 qyrkúıekte saǵat 12.00-de Nur-Sultan qalasy máslıhatynyń jetinshi saılanymynyń kezekten tys sessııasy shaqyrylady.

Sessııanyń qaraýyna kelesi másele engiziledi:

1. Qazaqstan Respýblıkasynyń astanasy Nur-Sultan qalasyn Qazaqstan Respýblıkasynyń astanasy – Astana qalasy dep qaıta ataý týraly», - delingen qalalyq máslıhat hatshysy Erlan Kanalımov qol qoıǵan qujatta.

Eske salaıyq, Májilis depýtattarynyń Nur-Sultan qalasyna Astana ataýyn qaıtarý usynysy Memleket basshysynyń kelisimimen Konstıtýtsııalyq zań jobasyna engizilgen bolatyn.

Al Qarjy mınıstrligi elorda ataýyn qaıtarý úshin qosymsha qarajat qajet etilmeıtinin málim etti.