Nur-Sultan qalasyndaǵy «Shapaǵat» bazarynda órt shyqty
NUR-SULTAN. QazAqparat - Nur-Sultan qalasyndaǵy «Shapaǵat» bazarynda órt shyǵyp, tótenshe jaǵdaılar qyzmetiniń mamandary tilsiz jaýmen arpalysyp jatyr. Bul týraly QazAqparat qalalyq Tótenshe jaǵdaılar departamentiniń baspasóz qyzmetine silteme jasap habarlaıdy.
«Búgin 22:30-da Nur-Sultan qalasynyń órt sóndirý bólimderiniń mamandary Saryarqa aýdany, Bógenbaı batyr 69 mekenjaıy, Shapaǵat bazaryna shaqyrtýǵa attandy. Bara salysymen shatyrdyń jáne syrtqy jabyndy qabattyń órtenip jatqany anyqtaldy. Qazirgi sátte órt sóndirý jumystary júrgizilip jatyr» delingen qalalyq TJD baspasóz qyzmeti taratqan habarlamada.
Málimetke saı, oqıǵa ornynda shuǵyl órt sóndirý shtaby qurylǵan. Qurban bolǵandar men japa shekken eshkim joq. Órtti Nur-Sultan qalasy TJD-ǵa qarasty 8 tehnıka men 32 maman sóndirip jatyr.
