Nur-Sultan qalasyndaǵy «Aısanam» turǵyn úı kesheninde órt boldy
NUR-SULTAN. QazAqparat - Nur-Sultan qalasynyń sol jaǵalaýyndaǵy turǵyn úı keshenderiniń birinde órt boldy, dep habarlaıdy QazAqparat QR ІІM TJK silteme jasap.
«2 mamyrda saǵat 21:52-de Nur-Sultan qalasynyń «101» pýltine Máńgilik El dańǵylyndaǵy «Aısanam» TK órt shyqqany týraly habar túsken. Órt segizinshi qabattaǵy páterdiń balkonynan shyqqan jáne órt sóndirýshiler kelgen kezde jalyn toǵyzynshy qabatqa taraı bastaǵan», - delingen habarlamada.
Órt sóndirýshilerdiń shuǵyl áreketteriniń arqasynda saǵat 22:10-de 35 sharshy metrdi sharpyǵan jalyn aýyzdyqtaldy. Zardap shekkender joq. Órt sóndirýge astanalyq TJD jeke quramynan 25 adam jáne 5 órt sóndirý tehnıkasy jumyldyrylǵan.
