Nur-Sultan qalasynda jyl basynan beri 7 bala terezeden qulaǵan
NUR-SULTAN. QazAqparat – Nur-Sultan qalasynda jyl basynan beri 7 bala terezeden qulap, bireýi qaza tapqan, dep habarlaıdy QazAqparat qalalyq polıtsııa departamentine silteme jasap.
Mundaı faktilerdiń aldyn alý maqsatynda ata-analar men eresekterdiń belgili bir erejeler men keńesterge qulaq asýyn ótinemiz:
- páterde terezeni ashyp, jeldetken kezde balanyń qaraýsyz qalmaýyn qadaǵalańyz;
- terezeni ashqan kezde 10 sm úlken etip ashpańyz, ol úshin arnaıy bekitkish qoıyńyz;
- balanyń eresektersiz jalǵyz balkonǵa shyǵýyna jol bermeńiz;
- uıyqtap jatqan balany páterde jalǵyz qaldyrmańyz, bala oıanǵan soń terezege qaraı barýy múmkin;
- barlyq jıhazdardy bala tereze aldyna shyǵa almaıtyndaı etip, tereze janynan alshaq qoıý kerek;
- terezeden qaraý úshin balaǵa aıaǵynyń astyna oryndyq nemese basqa nárse qoıyp úıretpeńiz;
- terezedegi moskıttik torlarǵa senbeý kerek: balalar moskıttik torlardy qaýipsiz dep oılap, terezege súıengendeı sol torlarǵa súıenedi. Eń sapaly tordyń ózi balanyń salmaǵy men qysymdy kótere almaıdy.
- eger 5-12 jas aralyǵyndaǵy bala páterde jalǵyz qalýǵa qoryqsa, az ýaqytqa da qaldyrmańyz. Olar qoryqqan kezde ata-anasyn kóremin dep terezeden nemese balkonnan qarap, qulap ketýi múmkin.
