Nur-Sultan qalasynda jastar 5 myń teńgege páter jaldap tura alady
«Qatysýshylardan mynany eskerýdi suraımyn: ár otbasynyń quramy ár túrli, sondyqtan mártebesi de árqalaı bolmaq. Kópbalaly bolsańyz da, úsh bólmeli páterdiń berilmeıtinin, tek bir jáne eki bólmeliler taratylatyny eskerý kerek. Turǵyn úı satyp alý, uzartý quqyǵynsyz bes jylǵa beriledi. ıAǵnı, bes jyldan keıin biz sizden osy turǵyn úıdi bosatýdy suraýǵa májbúr bolamyz, óıtkeni biz bul páterlerdi basqa jastarǵa beremiz. Baspanalardyń jaldaıtyn aqysy aıyna 5-ten 15 myń teńgege deıin bolady. Bári de úıdiń sharshy metrine baılanysty. Biz daıyn tizimdi osy jyldyń 10 jeltoqsanynan keshiktirmeı ornalastyramyz. Baspanalar jeltoqsan aıynda berile bastaıdy», - dedi Nur-Sultan qalasy ákimdiginiń Turǵyn úı qorynyń dırektory Nursulý Qojahmetova elordada ótken baspasóz máslıhatynda.
Aıta ketsek, 5-10 qarasha aralyǵynda elordada jumys isteıtin jastardan satyp alý quqyǵynsyz jaldamaly páter boıynsha ótinish qabyldanady. Ótinish tek elektrondy túrde Smart Astana portaly arqyly qabyldanady.
Nur-Sultanda bıyl bir jáne eki bólmeli 1050 páter beriledi (30-70 sharshy metrge deıin). Qurylys basqarmasynyń málimeti boıynsha, jastarǵa 202 eki bólmeli jáne 848 bir bólmeli páter tapsyrylady.
Aıta ketsek, Jastar jylyna oraı Elbasynyń tapsyrmasymen QR Aqparat jáne qoǵamdyq damý mınıstrligi memlekettik organdarmen birlese otyryp, Nur-Sultan, Almaty jáne Shymken qalalarynda jumysshy jastarǵa turǵyn úıdi berý boıynsha erejelerdi bekitken bolatyn. Atalǵan buıryqty QR Tuńǵysh Prezdıenti N.Á.Nazarbaev 2019 jyldyń 23 qańtarynda Jastar jylynyń ashylý saltanatynda bergen edi.
