Nur-Sultan qalasynda tazartý qurylǵylarynyń qurylysy bastaldy
NUR-SULTAN. QazAqparat - Nur-Sultan qalasynyń ákimi Altaı Kólginov «Jastar» shaǵyn aýdanyndaǵy tazartý qurylǵysynyń qurylysynyń bastalý barysymen tanysty, dep habarlaıdy elorda ákimdiginiń resmı saıty.
Memleket basshysy qala aktıvimen ótken jıynda jaýyn-shashyndyq káriz júıeleriniń qurylysy boıynsha jumystyń qarqynyn kúsheıtýdi tapsyrǵan bolatyn. Jańadan salynatyn tazartý qurylǵysynyń qýaty táýligine 40 myńnan astam tekshe metrdi quraıdy, bul jaýyn-shashyndyq káriz júıesiniń ótkizgishtigin aıtarlyqtaı jaqsartady. Qazir sýjınaqtaǵysh toǵandy qurǵatý jáne jerasty tazartý qurylǵysynyń qurylysy boıynsha jumystar júrip jatyr. Bul tazartý qurylystary J. Táshenev, A. Baraev kósheleri men Respýblıka dańǵylyn sý basýynyń aldyn alady. Qurylysty 2021 jylǵa qaraı aıaqtaý josparlanyp otyr.
Búgingi tańda elordanyń jaýyn-shashyndyq kárizdik júıesi 14 tazartý qurylǵydan, 3 jınaqtaǵysh toǵannan turady. Sý basý qaýpi basym jerlerdegi máseleni sheshý úshin 17 nysannyń qurylysy boıynsha jobalyq-smetalyq qujattama ázirlenip jatyr, sondaı-aq, taǵy 15 nysant boıynsha konkýrstyq rásimder júrgizilýde.
