Nur-Sultan qalasynda sý basý qaýpi bar 30-dan astam ýchaske anyqtaldy
NUR-SULTAN. QazAqparat - Elordada sý tasqynyna qarsy sharalar kúsheıtildi, dep habarlaıdy QazAqparat qala ákimdiginiń baspasóz qyzmetine silteme jasap.
Komıssııa qala aýmaǵynda sý basý qaýpi bar 30-dan astam ýchaskeni anyqtady. Kóktemgi sý basý qaýpiniń aldyn alý júrgizilip jatyr. Sondaı-aq aryqty, nóserlik káriz júıelerin tazartý jalǵasýda.
Budan basqa, Esil ózeniniń arnasyn (Sh. Beısekova kóshesindegi kópirge deıin aýdan) keńeıtý aıaqtaldy. Qazir arnany qaıta jańartý, sý retteıtin bóget salý qolǵa alynǵan.
«Sý tasqynyna qarsy is-sharalardy kúsheıtý qajet. Eldi mekenderge basa nazar aýdarýymyz kerek. Jeke sektor turǵyndaryna úıiniń shatyryn jáne irgeles aýmaqty qardan ýaqytyly tazalaý týraly habarlama berilip jatyr. Turǵyndar aýlasyndaǵy qardy jol jıegine shyǵaryp jınaǵan kezde ǵana kommýnaldyq qyzmetter alyp ketedi. Eldi mekender erekshe baqylaýda. Aıtalyq, Ilınkada bóget nyǵaıtyldy, al «Kóktal-1» eldi mekeninde ýaqytsha qum bóget salyndy. «Óndiriste» ózen arnasyn qalpyna keltirý jumysy júrgizilýde, bul ózen sýynyń kedergisiz ótýin qamtamasyz etedi«, - dedi qala ákimi Altaı Kólginov.
Qala men shetkeri aımaqtardy sý tasqynynan qorǵaıtyn kontregýlıatordyń jumys rejimi bekitildi. Kóktemgi sý tasqynyn qaýipsiz ótkizýdi qamtamasyz etý maqsatynda Maıbalyq kólinen «Nura-Esil« kanalyna deıin jumys istep turǵan arnanyń ótkizý qabileti arttyrylady.
Kommýnaldyq qyzmetter kúsheıtilgen rejimde qar tazalaýǵa kóshti. Búginde qala aýmaǵynan 4,6 mln tekshe metr qar shyǵaryldy. Ótken qysta shyǵarylǵan qar kólemi eki ese az boldy. Byltyr tek 1,9 mln tekshe metr qar shyǵaryldy.
«Qazgıdromet« RMK gıdrometeorologııalyq ortalyǵynyń dırektory Marına Shmıdttiń aıtýynsha «byltyr qysta jaýǵan qardyń kólemi - 102 mm bolsa, bıyl qysta qarasha men aqpan aralyǵynda jaýǵan qar kólemi 173 mm-ge jetken. Bul shamamen normadan eki ese joǵary» (bir aıdyń normasy -15 mm bolsa, 15 kúnde 34 mm qar jaýdy).
Sý tasqynyna qarsy sharalar boıynsha turǵyndar myna telefondar arqyly habarlasa alady:
«Saryarqa» aýdany: 8-778-710-91-00, «Baıqońyr» aýdany: 8-702-348-82-88, 8-701-999-22-89, «Almaty» aýdany: 8-707-795-13-88. Jelezodorojnyı, Óndiris eldi mekeni: 8-778-669-97-70, qosymsha tel. 8-707-878-11-31, 8-701-407-80-52. Mıchýrıno, Kúıgenjar, Internatsıonalnyı: 8-707-588-72-27, qosymsha tel. 8-701-715-62-30. Ońtústik shyǵys shaǵyn aýdany boıynsha: 8-702-4444-52-99, qosymsha tel. 8-702-905-59-95, 8-777-077-77-89. «Esil» aýdany: 8-701-121-25-35 («Prıgorodnyı», «Zarechnyı», «Telman»),8-778-176-31-11 («Úrker», «Shyǵys Ilınka»).
