Nur-Sultan qalasynda soǵys ardagerlerine bir rettik tólem aýdarý bastaldy

NUR-SULTAN. QazAqparat – Ekinshi dúnıejúzilik soǵystaǵy Jeńistiń 75 jyldyǵyna oraı elorda ardagerlerine 1 mln teńge somasynda bir rettik tólem berý bastaldy. Bul týraly Nur-Sultan qalasy ákiminiń orynbasary Baqtııar Máken málim etti, dep habarlaıdy QazAqparat tilshisi.

«Uly Jeńistiń 75 jyldyǵyn atap ótý aıasynda qalada soǵys ardagerlerine 1 mln teńgeden tólemderdi aýdarý bastaldy», - dedi B. Máken Ortalyq kommýnıkatsııalar qyzmetindegi baspasóz máslıhatynda.

Osy oraıda ol búginde qalada Ekinshi dúnıejúzilik soǵysqa qatysqan 44 ardager turyp jatqanyn eske saldy.

Sonymen birge, bir rettik tólemaqy tyl eńbekkerlerine, soǵys ardagerleriniń jesirlerine jáne ózge de sanattaǵy azamattarǵa beriledi.