Nur-Sultan qalasynda Nemis kınosynyń kúnderi ótkiziledi

NUR-SULTAN. QazAqparat – Elordada nemis fılmderi kórsetiledi, dep habarlaıdy QazAqparat Qazaqstandaǵy Gete ınstıtýtyna silteme jasap.

«Qazaqstandaǵy Gete ınstıtýty elordadaǵy Chaplin Mega Silk Way kınoteatrymen birlesip Zamanaýı nemis kınosynyń kúnderin ótkizedi», delingen ınstıtýttyń Facebook-tegi paraqshasynda. Fılmder kórsetilimi 17-20 qarasha aralyǵynda ótedi. Kınolar nemis tilinde, sýbtıtr oryssha bolady. Tegin bılet kórsetilim kúni kassada beriledi.

«Quryp ketkir, Gete» (2013 jyl) «Ostvınd» (2013 jyl), «Ata-ana» (2014 jyl), «Kóktemnen soń kúz keledi» (2015 jyl), «Baýhaýs rýhy» (2018 jyl) fılmderi kórsetiledi.