Nur-Sultan qalasynda qansha qurylys nysanynda jumys jandandy
NUR-SULTAN. QazAqparat –Nur-Sultan qalasy ákiminiń orynbasary Baqtııar Máken qalada qurylysyn salasyndaǵy jumysy jandanǵan nysandar týraly aıtty, dep habarlaıdy QazAqparat tilshisi.
«20 sáýirden bastap ónerkásiptik ári ındýstrıaldyq kásiporyndardyń jumysy jandandy. Atalǵan sektorda 20 myńnan astam adam jumysqa kiristi», - dedi B. Máken Ortalyq kommýnıkatsııalar qyzmetinde.
Sonymen qatar qurylys sektoryndaǵy jumystar qarqyn ala bastady.
«20 sáýirdegi jaǵdaı boıynsha, 970 nysannyń qurylysy ýaqytsha toqtatylǵan edi. Qurylys qarqyny 153 nysanda saqtaldy, ıaǵnı bulardyń qyzmetin toqtatý negizsiz boldy. Al 20 sáýirden keıin 500-den astam nysanda qurylys sharalary jandandy. Barsha qurylys kompanııalarymen tıisti sharttarǵa qol qoıyldy. Onda kompanııa basshylary jumysshylardy tasymaldaýǵa, sondaı-aq maskamen, qolǵappen jáne antıseptıkpen qamtamasyz etýge mindetti ekeni eskerildi», - dedi ákimniń orynbasary.
Onyń sózine qaraǵanda, ashanalarda adamdar bekitilgen qaýipsizdik erejelerin saqtaýǵa mindetti bolady.
«Talaptar saqtalmasa, nysandar jabylady. Birinshi kezeńde qurylys salasynda 40 myńǵa jýyq adam jumysyn jalǵastyrady», - dedi B. Máken.
