Nur-Sultan qalasynda esirtki tasymaldaýmen aınalysqan top ustaldy
NUR-SULTAN. QazAqparat – Búgin, 13 tamyzda ІІM Krımınaldyq polıtsııa departamentiniń jáne Nur-Sultan qalasy PD-niń qyzmetkerleri jedel-izdestirý is-sharalaryn júrgizý barysynda quramynda Qyzylorda oblysynyń úsh turǵyny bar qylmystyq toptyń jolyn kesti, dep habarlaıdy Polisia.kz.
25-35 jas aralyǵyndaǵy adamdar kirgen bul top asa iri mólsherde esirtki zattaryn tasymaldaýmen jáne satýmen aınalysqan. Qylmystyq toptyń esirtki zattaryn respýblıkanyń ońtústik óńirlerinen alyp kelip, deldaldar arqyly Nur-Sultan qalasynda satqany anyqtaldy. Osylaısha, olar ósimdik tektes esirtki quraldaryn ótkizý arnasyn uıymdastyrǵan.
Ustalǵan kezde atalǵan toptan tórt keliden astam esirtki zaty tárkilendi. Saraptama qorytyndysyna sáıkes, tárkilengen zattar «marıhýana» bolyp shyqty. Tárkilengen zattardyń quny jeti mıllıon teńgeden asady. Atalǵan fakti boıynsha QR QK-niń 297-babynyń 2-bóligi boıynsha (Esirtki zattardy jáne olardyń analogtaryn iri mólsherde zańsyz daıyndaý, óńdeý, satyp alý, saqtaý, ótkizý maqsatynda tasymaldaý, jóneltý nemese ótkizý) sotqa deıingi tergeý bastaldy. – Ustalǵan kúdiktiler Nur-Sultan qalasy PD-niń ýaqytsha ustaý ızolıatoryna qamaldy, – dedi ІІM Krımınaldyq polıtsııa departamentiniń bastyǵy Dýman Taev.
