Nur-Sultan qalasynda dárigerler qonaqúılerge ornalastyryldy
NUR-SULTAN. QazAqparat –Koronavırýs ınfektsııasyn juqtyrǵan jáne ony tasymaldaýshy naýqastarmen statsıonarda jumys isteıtin medıtsına qyzmetkerleri úshin elordadaǵy qonaqúılerden oryndar bólindi, dep habarlaıdy QazAqparat tilshisi.
Qalalyq shtab emhana men aýrýhanalarda jumys isteıtin medıtsına qyzmetkerleriniń tamaqtanýyn uıymdastyrdy, al City Transportation Systems (CTS) kompanııasy olarǵa kólik bóldi. Bul qyzmet túriniń bári medıtsına qyzmetshileri úshin tegin túrde júzege asyrylady.
Prezıdent Qasym-Jomart Toqaev sanıtarlyq-epıdemıologııalyq saladaǵy kúrdeli kezeńde eńbek etip jatqan dárigerlerdi qoldaýdyń jańa paketi qajet ekenin aıtqan bolatyn.
