Nur-Sultan qalasynda beıbit mıtıng ótip jatyr
NUR-SULTAN. QazAqparat - Nur-Sultan qalasynda Pýshkın jáne Shákárim kósheleriniń qıylysyndaǵy parkte ruqsat etilgen beıbit mıtıng ótip jatyr, dep habarlaıdy QazAqparat.
Mıtıngtiń zańǵa saı ótýin polıtsııa qyzmetkerleri qadaǵalaıdy. Sonymen qatar, medıtsına qyzmetkerleri de osynda júr.
Al beıbit sharaǵa kelgen azamattar negizinen ártúrli máselelerdi aıtýda. Mysaly, olardyń biri kópbalaly analar máselesin qozǵasa, ekinshisi Atom elektr stansasynyń qurylysyna qarsy. Úshinshisi sybaılas jemqorlyqqa qatysty pikirler aıtýda. Sóıleýshilerge negizinen 3-4 mınýt ýaqyt berilgen.
Jalpy mıtıng zań sheńberinde ótip jatyr.
Eske salaıyq, buǵan deıin Nur-Sultan qalasynda beıbit mıtıng ótýge ruqsat berilgeni týraly jazǵan edik.
