Nur-Sultan qalasynda azyq-túlik qory jetkilikti

NUR-SULTAN. QazAqparat – Elordada azyq-túlik qory jetkilikti.Baǵany turaqtandyrý boıynsha 2 baǵytta jumys júrgizilýde dep habarlaıdy QazAqparat qala ákimdiginiń resmı saıtyna silteme jasap.

Atap aıtqanda, turaqtandyrý qory qurylǵan, saýda jelilerin jeńildikpen nesıelendirý boıynsha jumystar júrip jatyr. «Aınalym shemasy» jobasyna «Magnum», «Astyqjan», «Kenmart», «Small», «Shapaǵat», «Eýrazııa», «Artem», «Bıg Shanhaı» sııaqty saýda oryndary qatysady, sondaı-aq et pen jarma boıynsha jetkizýshiler anyqtaldy. Dúrligýge sebep joq, azyq - túlik jetkilikti mólsherde.

Sondaı-aq, áleýmettik nan baǵasyn ustap turý máselesi qarastyryldy. Turaqtandyrý qorynyń un qory tolyqtyrylyp, qalanyń naýbaıhanalaryna qoldaý kórsetilýde.

Buǵan qosa aýyl sharýashylyǵy jármeńkelerin ótkizý baǵany ustap turýǵa jáne ónimdi naryqtyq baǵadan tómen satýǵa múmkindik beredi. Jármeńkeler maýsymy «Aspan bazar» saýda úıinde bastaldy jáne sáýir aıyna deıin ár senbi men jeksenbi kúnderi uıymdastyrylady.