Nur-Sultan qalasynda azyq-túlik baǵasy qalaı turaqtandyrylmaq

NUR-SULTAN. QazAqparat – Nur-Sultan qalasynyń Investıtsııalar jáne kásipkerlikti damytý basqarmasynyń basshysy Erjan Baltaev azyq-túlik baǵasyn turaqtandyrý baǵytynda atqaralyp jatqan jumystardy atady, dep habarlaıdy QazAqparat tilshisi.

«Syrtqy faktorlardyń yqpalyn azaıtý úshin elordada azyq-túlik ónimderi baǵasyn turaqtandyrý tetigin júzege asyryp jatyrmyz. Bul turǵyda kásipkerlik sýbektilerine qaryz berý tetigi eskerilgen. Osy ýaqytqa deıin 13,1 mlrd teńge bólindi», - dedi E. Baltaev qalalyq máslıhattaǵy turaqty komıssııanyń otyrysynda.

Onyń aıtýynsha, naqtylaý úshin taǵy 908 mln teńgege ótinim berildi.

«Jalpy, Qazaqstan boıynsha osy somany 100 mlrd teńgege deıin jetkizý eskerilgen. Qazirgi kezde 40 myń tonnadan astam azyq-túlik ónimine kelisimshart jasaldy. Bul ónim qaladaǵy dúken sórelerinen ótkizilip jatyr», - dedi basqarma basshysy.

Budan buryn habarlanǵandaı, elordada halyqtyń áleýmettik osal toptaryna azyq-túlik arnaıy karta arqyly ótkiziledi.

«Qazirgi kezde «Magným» JShS-men birlese «Sýsyn» kartasy boıynsha arzandatylǵan taýardy ótkizýdiń qanatqaqty jobasyn pysyqtap jatyrmyz. ıAǵnı olarda ózderiniń kartalary bar. Osy oraıda halyqtyń áleýmettik osal toptarynyń tizimin engizbekpiz. Bul turǵyda 160 myńǵa tarta adam bar», - dedi E. Baltaev.