Nur-Sultan qalasynda asa iri kólemdegi esirtki zaty tárkilendi
Elorda aýmaǵyna esirtki jetkizý jáne taratý kanalynyń jolyn kesýge baǵyttalǵan jedel izdestirý is-sharalary barysynda Esenberlın kóshesiniń boıynda buryn sottalǵan azamat ustaldy. 43 jasar kúdikti, Qaraǵandy oblysynyń týmasy, ony tekserý barysynda 1000 ret qoldanýǵa daıyndalǵan 200 gramnan astam esirtkiniń aýyr túri «geroın» tabylyp, tárkilendi. Asa iri kólemdegi ýytty zattyń qara bazardaǵy quny úsh mıllıon teńgeden. Sonymen qatar, júrgizilgen jedel izdestirý is-sharalary barysynda Nur-Sultan qalasy PD Esirtki qylmystaryna qarsy is-qımyl basqarmasy qyzmetkerlerimen Qaraǵandy-Nur-Sultan baǵyty tas jolyndaǵy «Rýbej» beketinde esirtki quraldaryn jetkizý kanalynyń joly kesildi.
Aǵymdaǵy jyldyń 1 tamyzynda 37 jasar Jambyl oblysynyń turǵyny 13 kılogramm «gashısh» esirtki zatyn Nur-Sultan qalasyna alyp ótpek bolǵan. Qazirgi ýaqytta kúdiktiler Nur-Sultan qalasynyń PD Ýaqytsha ustaý ızolıatoryna qamaldy. Atalmysh faktiler boıynsha boıynsha sotqa deıingi tergep-tekserý júrgizilýde.
Joǵaryda kórsetilgen tárkilenip alynǵan esirtki zattaryn kúdiktiler elorda aýmaǵynda taratpaq bolǵan. Esirtki satýshylardyń qylmystyq baılanysy men satý ornyn anyqtaý barysynda ári qaraı is-sharalar júrgizilýde.
Jyl basynan beri elordalyq polıtsııa qyzmetkerleri esirtki quralynyń zańsyz aınalymyna qatysty 82 aýyr jáne asa aýyr qylmysty anyqtady. Aǵymdaǵy jyly QR QK 297 baby boıynsha, ıaǵnı esirtki satqany úshin 50 fakt anyqtaldy. Zańsyz aınalymnan 82 kılogramm 118 gramm esirtki zaty alynsa, onyń ishinde 2 kılogramm 515 gramy- «geroın».