Nur-Sultan qalasynda alǵash ret jol belgilerine sary tús qoldanyldy
NUR-SULTAN. QazAqparat – Kún jylyna bastalysymen elordanyń kóshelerine jol belgilerin qoıý jumystary bastaldy, dep habarlaıdy QazAqparat Nur-Sultan qalalyq PD baspasóz qyzmetine silteme jasap.
Jol-kólik oqıǵalarynyń aldyn alý jáne eskertý maqsatynda Polıtsııa departamenti shet elderdiń tájirıbesin zerdeleı otyryp, jańa syzbalar men tehnıkalyq quraldardy qoldanyp, elorda joldarynda qozǵalysty uıymdastyrýdy jetildirý boıynsha sharalar qabyldaýda.
Elorda aýmaǵynda pılottyq jobada Máńgilik El dańǵyly boıynsha Uly Dala kóshesinen Qabanbaı batyr dańǵylyna deıin sary tústi jol tańbasynyń qos tutas jelisin qoldaný boıynsha jumys eksperımenttik tártippen uıymdastyryldy. Sondaı-aq, bul tańbany Jeńis jáne Saryarqa dańǵyldarynda da qoldaný josparlanýda.
Jol qozǵalysyn uıymdastyrý tártibin retteıtin normatıvtik aktilerdiń talaptarynda kórsetilgen belgini sary túspen qoldaný múmkindigi joqqa shyǵarylmaıtynyn atap ótý qajet. Jol jaǵdaıyn zerdeleý nátıjeleri boıynsha osy belgileýdi paıdalaný kezeńinde Qazaqstan Respýblıkasynyń zańnamalyq aktilerine, onyń ishinde jol erejelerine ózgerister engiziletin bolady.
