Nur-Sultan qalasynda 2 myńǵa jýyq jolaýshy avtobýstyń jolaqysyn tólemegen
NUR-SULTAN. QazAqparat – Elordada jyl basynan beri 2 myńǵa jýyq jolaýshy avtobýstyń jolaqysyn tólemegen, dep habarlaıdy QazAqparat City Transportation Systems kompanııasyna silteme jasap.
Jolaýshy tasymaly kompanııasynyń málimetinshe, jyl basynan kompanııa qyzmetkerleri jol aqysyn tóleýden bas tartýǵa qatysty 2 myńǵa jýyq jaǵdaıdy anyqtaǵan.
«Kóliktik baqylaý departamenti qoǵamdyq kólik salasyndaǵy negizgi máselelerdi talqylaý jáne halyqqa qyzmet kórsetýdi jaqsartý úshin turaqty túrde keńester ótkizip turady.
KBD qyzmetkerleri jol aqysyn tóleýden bas tartý jaǵdaıyn, tasymaldaýshy tarapynan jasalatyn jumys tártibi men jol júrý erejesin buzýdy anyqtaıdy», delingen habarlamada.
Aıta keterligi, qoǵamdyq kólikte jol júrý aqysy tek kólik kartasymen, SMS, QR-kod arqyly tólenedi.
