Nur-Sultan qalasyna kirip-shyǵýǵa áli 72 saǵat ýaqyt bar - ákimdik
NUR-SULTAN. QazAqparat – Nur-Sultan qalasyna kirýge nemese shyǵýǵa ázirshe ýaqyt bar. Bul týraly Ortalyq kommýnıkatsııalar qyzmetiniń alańynda ótken Nur-Sultan qalasynda koronavırýstyń taralýyn boldyrmaý jáne ınfektsııa boıynsha aǵymdaǵy jaǵdaıǵa arnalǵan baspasóz konferentsııasynda aıtyldy, dep habarlaıdy QazAqparat tilshisi.
«Qalaǵa kirip-shyǵýǵa ázirshe ýaqyt bar. Aldaǵy 72 saǵat avıa jáne temir jol qatynastary arqyly qaladan ketýge nemese qalaǵa kelýge múmkindik berilip otyr. Osy jyldyń 22 naýryzynan bastap barlyq sanattaǵy turǵyndarǵa qala aýmaǵynan shyǵýǵa jáne qala aýmaǵyna kirýge tolyq shekteý qoıylady. Kez kelgen kólik qatynastarynyń tranzıttik tamysaldaýlary Nur-Sultan qalasy aýmaǵyna toqtalmaı júrgiziledi, ıaǵnı jolaýshylar poıyzdary qala arqyly ótedi, biraq toqtamaıdy. Qala aýmaǵyn basyp ótetin nemese azyq-túlik tasymaldaıtyn kólikter arnaıy jasyl dálizben ǵana qatynaıdy», - deıdi Nur-Sultan qalasy ákiminiń orynbasary Baqtııar Máken.
Onyń aıtýynsha, atalǵan sharttardyń oryndalýy úshin birqatar talaptar kúsheıtiledi.
«Birinshiden, ınfektsııanyń taralýyna jol bermeý úshin arnaıy óńirlik jedel shtaby kúrdeli jumys atqaryp jatyr. Ol táýlik boıy qyzmet etedi. Ekinshiden, tótenshe jaǵdaı kezinde karantınge sáıkes halyq pen sharýashylyq sýbektileriniń qyzmetin retteý úshin qalalyq shtabtyń arnaıy sheshimi qabyldandy. Úshinshiden, karantın jaǵdaıynda qalalyq azyq-túlik qaýipsizdigin qamtamasyz etý úshin arnaıy is-sharalar jospary iske asýda. Qosymsha azyq-túlik taýarlaryn jetkizý máselesi óńirlermen birlesip otyryp sheshildi. Qazirgi tańda halyqqa eń birinshi qajetti áleýmettik jáne tutynýshylyq taýarlar qory jetkilikti. Saýda úıleri men qoımalarda artyq kólemde qor jınaqtalǵan. Tórtinshiden, QR Densaýlyq saqtaý mınıstrliginiń tıisti sharalaryna sáıkes, «A» jáne «B» josparyndaǵy is-qımyl algorıtmine sáıkes kornavırýs ınfektsııasyn juqtyrǵan adamdarmen baılanysta bolǵan tulǵalarǵa arnaıy jatatyn oryndary men karantın statsıonarlary keńeıtildi. Eger «S» josparyna sáıkes bolatyn bolsa, qosymsha jatatyn oryndardy qala boıynsha jasaqtadyq. Besinshiden, farmatsevtıka qaýymdastyǵy jáne Taýarlar men kórsetiletin qyzmetterdiń sapasy men qaýipsizdigin baqylaý departamenti arasyndaǵy baǵany retteý boıynsha, sondaı-aq dárigerlik jáne medıtsınalyq taýarlardy jetkizý boıynsha ózara yntymaqtastyq memorandýmǵa qol qoıyldy. Memorandýmǵa sáıkes tıisti jumystardy atqaryp jatyrmyz», - deıdi ol.
