Nur-Sultan qalasyn zararsyzdandyrý úshin ushaqpen dári shashylady degen aqparat jalǵan
«Whatsap toptarynda taraǵan saǵat 23-00 men tańǵy saǵat 5-00 aralyǵynda Nur-Sultan qalasynda zararsyzdandyrý úshin tikushaqpen dári shashylady jáne azamattardan tereze men balkondardy ashýǵa, sonymen qatar kósheden 23-00-den keıin shyǵýǵa tyıym salynady delingen aqparat jalǵan. Qasaqana jalǵan aqparat taratqany úshin QR zańnamasynda qylmystyq jaýapkershilik kózdelgenin eske salamyz. Azamattardy tek resmı habarlarǵa senip, shyndyqqa janaspaıtyn ósek pen aqparatty taratpaýǵa shaqyramyz», - dep atap ótedi komıtetten.
Vedomstvo málimetinshe, Qazaqstanda jáne álemde koronavırýs ınfektsııasynyń taralýyna qatysty senimdi aqparatttar QR Densaýlyq saqtaý mınıstrliginiń, QR DSM Taýarlar men qyzmetterdiń sapasyn jáne qaýipsizdigin baqylaý komıtetiniń resmı saıttarynan, sondaı-aq atalǵan organdardyń áleýmettik jelilerdegi paraqshalarynan, sondaı-aq táýlik boıy jumys isteıtin 1406 Call-ortalyǵynan bilýge bolady.