Nur-Sultan qalasy sáýlet basqarmasynyń basshysy ustaldy
«Agenttikke qarasty elordalyq departament Nur-Sultan qalasynyń sáýlet, qala qurylysy jáne jer qatynastary basqarmasynyń basshysy men ózge de adamdarǵa qatysty tergeý amaldaryn bastady. Olar «Nur-Sultan qalasynyń jer ýchaskesin revızııalaý» jobasyna bólingen 20 mln teńge somany jymqyrdy degen kúdikke ilindi», - dep habarlady Sybaılas jemqorlyqqa qarsy is-qımyl agenttiginiń 1-shi departamentiniń aǵa tergeýshisi Danııar Bekaıdarov agenttikte ótken baspasóz máslıhatynda.
Qurylysqa qatysty jemqorlyq faktisi elordamen birge Qostanaı oblysynda da tirkelgen. Danııar Bekaıdarovtyń aıtýynsha, Qostanaı qalasy ákimdiginiń qurylys bóliminiń basshysy da sotqa deıingi tergeý amaldarynan ótip jatyr. Ol «Nurly jer» baǵdarlamasy aıasynda az qamtylǵan otbasylarǵa arnalǵan páterlerdi satyp alýǵa qatysty memlekettik satyp alý kelisiminiń kedergisiz resimdelýi úshin Jyljymaıtyn múlik agenttigi rıeltorynan 800 myń teńge para aldy degen kúdikke ilinip otyr.