Nur-Sultan qalasy Mádenıet jáne sport basqarmasynyń basshysy qamaýǵa alyndy

NUR-SULTAN. QazAqparat - Sybaılas jemqorlyqqa qarsy qyzmet Nur-Sultan qalasynyń Mádenıet jáne sport basqarmasynyń basshysyna qatysty sotqa deıingi tergeý júrgizýde. Bul týraly QR Sybaılas jemqorlyqqa qarsy is-qımyl agenttiginiń jedel-tergeý qyzmetiniń nátıjeleri týraly ótken onlaın brıfıngte aıtyldy, dep habarlaıdy QazAqparat tilshisi.

«Ol «Naýryz meıramy-2020» merekesin toılaýǵa oraı jalpy somasy 195 mıllıon teńgege is-sharalar ótkizý boıynsha qyzmetter kórsetýge arnalǵan memlekettik satyp alý týraly jasalǵan kelisimshart boıynsha qamqorlyq kórsetý úshin 10 mıllıon teńge kóleminde para aldy degen kúdikke ilindi», - dep málim etti QR Sybaılas jemqorlyqqa qarsy is-qımyl agenttigi 1-shi departamentiniń asa mańyzdy ister jónindegi tergeýshisi Danııar Bıǵaıdarov.

Onyń aıtýynsha, tergeý sotynyń sanktsııasymen kúdiktige qatysty qamaýda ustaý túrindegi bultartpaý sharasy qoldanyldy. Tergeý jalǵasýda.